Formade parellas, que se manterán na seguinte actividade, para contruír a resposta a dúas cuestións importantes na comprensión da situación das linguas en contacto e para resituar as ideas prexuizosas.

Na aula, numeraremos as parellas, pois cada unha terá as súas preguntas específicas. Estas están formuladas máis abaixo e tamén no espazo no que haberá que contestalas. Pero antes cumprirá, claro, consultar determinadas fontes. Velaquí:



​

​

                            ​i. O galego, o noso medio natural

                           

                            ii. A situación lingüística no mundo



​

                           

​

​

​

PARELLA 1

a) Como poden compararse a defensa da diversidade lingüística e a da natureza? 

b) Que valores das linguas nos confirman que son máis ca un simple vehículo de comunicación?

                            

PARELLA 2 

a) Por que e como se poden relacionar os transxénicos e os estranxeirismos?

b) Toda lingua minorizada é necesariamente minoritaria no seu territorio? Explica os conceptos.



PARELLA 3

a) No ámbito sociolingüístico, que poderían repesentar os eucaliptos en Galiza e por que?

b) Os factores da diversidade lingüística cres que están activos hoxe en día ou non? Por que?

​​​​                           

PARELLA 4

a) Con que tipo de exemplos da natureza podemos comprender mellor as imposicións históricas das linguas "imperiais"?

b) Que datos nos indican que a identificación 'un Estado' = '1 lingua' é falsa por simplificadora?

                           

PARELLA 5

a) Por que podemos dicir con razón "Recíclate, pásate ao galego"?

b) Toda lingua minoritaria nun territorio é minorizada? Explica os conceptos.

                           

PARELLA 6

a) Por que nunha situación de contacto de linguas, cunha dominante, o equilibrio pasa por revitalizar a(s) propia(s) minorizada(s)?

b) Poderían anularse hoxe todos os factores da diversidade lingüística para termos unha única lingua en todo o mundo? Concreta un a un.

                           

PARELLA 7

a) Por que, tanto na economía como na sociolingüística, o produto local é enriquecemento e non o é o importado?

b) Podemos dicir que, no contexto europeo, o galego é unha lingua moi pequena, por debaixo de todas as "estatais"? Concreta todo o posíbel.

                           

PARELLA 8

a) Que significará "reforestar" unha lingua?

b) A situación de diversidade lingüística no Estado español é pouco común no mundo e en Europa? Achega algúns datos ao respecto.

                           

PARELLA 9

a) Que significa o termo "ecoloxía lingüística" e que implica?

b) Que funcións fundamentais desempeñan as linguas ademais de transmitir información?  



​

                           Achegaremos as respostas nun espazo compartido, que pode ser este foro

                           na rede social específica, os comentarios do blogue de tarefas ou ben a caixa que

                           aparece aquí abaixo, sempre identificándonos previamente.