CRITERIOS DE AVALIACIÓN
Actividades 1 e 2 (0'5 puntos)
• Participa de maneira activa na toma de decisións inicial
• Valora os vídeos propostos
• Amosa e explica as súas ideas previas ao contestar a enquisa
Actividade 3 (1 punto)
• Aprehende a información dos recursos que se achegan
• Reflexiona con tino sobre a situación de plurilingüismo e contacto de linguas
Actividade 4 (1'5 puntos)
• Comprende os contextos dos prexuízos lingüísticos e clasifícaos
• É quen de procurar e enunciar contraargumentos ao respecto
• Intervén no espazo de intercambio con claridade, cun rexistro adecuado e con respecto polas normas.
Actividade 5 (2 puntos)
• Analiza con precisión un spot publicitario, identificando os seus elementos
• Interpreta as estratexias e recursos publicitarios
Actividades 6 e 7 (1 punto)
• Valora razoadamente a eficacia dos slogans
• Identifica os recursos lingüísticos máis comúns
• Distingue propaganda de contrapublicidade
• Explicita as características destes subxéneros
Actividades 8 e 9 (1'5 puntos)
• Elabora uns obxectivos para a produción
• Procura e extrae información nas fontes achegadas
• Cubre axeitadamente a folla de planificación
• Colabora co equipo, cumprindo coas súas tarefas
Actividades 10 e 11 (2'5 puntos)
• Constrúe a primeira versión do anuncio
• Revisa o anuncio seguindo as suxestións que se ofrecen
• Valora o uso dunha linguaxe non discriminatoria e aplícaa
• Consegue un produto final axeitado:
• O slogan é significativo e sitúase ao final
• Introdúcese información relevante
• O texto é adecuado, coherente e correcto
• A parte gráfica e de imaxes vai acorde co texto e o slogan
• Insérese unha banda sonora apropiada
• Publica o produto na rede coas ferramentas oportunas
AUTOAVALIACIÓN
Ao rematares a secuencia, autoavalíate graduando (deficiente - mellorábel - ben - excelente) e comentando os seguintes puntos:
- Seguín os procesos de traballo e realicei as actividades todas
- Consultei con atención as fontes, recollín información e empreguei os recursos achegados
- Atendín os exemplos e resolvín satisfactoriamente as cuestións
- Construín producións intermedias ben elaboradas (para os prexuízos: contraargumentos; para a publicidade: análise)
- Planifiquei o anuncio aproveitando as ideas traballadas
- Confeccionei un vídeo de acordo cos obxectivos e as indicacións
- Intentei manter sempre un sentido crítico
- Avancei distribuíndo ben o tempo
- Colaborei activamente no traballo en grupo
- Quedei satisfeito/a co traballo realizado